စိန်တွေရဲ့ သန့်စင်မှု (Clarity) နဲ့ပတ်သက်ပြီး မှတ်သားထားသင့်သော အကြောင်းအရာများ‼️
-----------
သန့်စင်မှု လို့ခေါ်တဲ့ Clarity ဟာ စိန်တွေရဲ့ တန်ဖိုးကို အကဲဖြတ်တဲ့နေရာမှာ အလွန်အရေးပါတဲ့ 4 Cs စံနှုန်းဝင် အရည်အသွေးကောင်း တစ်ခုပဲ ဖြစ်ပါတယ်။
စိန်တွေရဲ့ သန့်စင်မှုကို စနစ်တကျ လေ့လာကြည့်မယ်ဆိုရင်
✅ အပေါ်ယံ အပြင်ဘက်အပိုင်း (External, Confined to the Surface) နဲ့
✅ အတွင်းမှာ တည်ရှိနေတဲ့ အပိုင်း (Internal, Enclosed within the Stones)
ဆိုပြီး (၂) ပိုင်းခွဲခြား တွေ့ရှိနိုင်ပါတယ်။
စိန်တွေရဲ့ အပြင်ဘက်အပိုင်း (External) မှာ တွေ့ရှိရတဲ့ အရာတွေကို Blemishes လို့ခေါ်ပြီး အတွင်းဘက်အပိုင်း (Internal) မှာ တွေ့ရတတ်တဲ့ အရာတွေကိုတော့ Inclusions လို့ခေါ်ပါတယ်။
အတွင်းမှာ တွေ့ရတတ်တဲ့ Inclusions တွေထဲမှာမှ
1⃣ အတွင်းမှာ ပိတ်မိနေတဲ့ အရာများ (Enclosed within the Diamond) နဲ့
2⃣ မျက်နှာပြင်ကနေ အတွင်းကို စိုက်ဝင်သွားတဲ့ အရာများ (Extending into the Diamond from the Surface)
ဆိုပြီး နှစ်မျိုးထပ်မံ ခွဲခြားတွေ့ရှိနိုင်ပါတယ်။
ဒါကြောင့် Internal and External (သို့မဟုတ်) Blemishes and Inclusions တွေကို စုပေါင်းပြီး Clarity Characteristics (သန့်စင်မှု ဝိသေသ လက္ခဏာရပ်များ) လို့ သတ်မှတ်ခေါ်ဝေါ်ကြတာ ဖြစ်ပါတယ်။
စိန်တွေရဲ့ သန့်စင်မှုအပိုင်းဟာ (၂) ပိုင်းရှိတယ်လို့ ဆိုခဲ့ပေမယ့်လည်း မျက်နှာပြင်ပေါ်မှာ ကပ်နေတဲ့ အရာတွေဟာ အတွင်းမှာ ပိတ်မိနေတဲ့ အောင်းဝင်တွေထက် ပိုမို အကျိုးသက်ရောက်မှု ရှိကြပါတယ်။
အကြောင်းအရင်းကတော့ မျက်နှာပြင်မှာ ကပ်လျက်ရှိတဲ့ Blemishes တွေကို အရောင်တင်ခြင်း (သို့) စိန်သွေးခြင်းနည်းနဲ့ အလွယ်တကူဖယ်ရှားနိုင်ပြီး Inclusions တွေကိုတော့ လွယ်လွယ်ကူကူ ဖယ်ရှားသန့်စင်ခြင်း မပြုနိုင်တာကြောင့်ပဲ ဖြစ်ပါတယ်။
စိန်တွေရဲ့ သန့်စင်မှုအဆင့်ကို International သုံး Scale တစ်ခုဖြစ်တဲ့ GIA ရဲ့ Diamond Clarity Grading Scale နဲ့ ခွဲခြားသတ်မှတ်ကြပါတယ်။ ဒီနည်းစနစ်ဟာ ရှေးယခင်က အသုံးပြုခဲ့တဲ့ ဥရောပတိုက်နဲ့ စကင်ဒီနေဘီးယန်း နိုင်ငံတွေရဲ့ စိန်သန့်စင်မှု ခွဲခြားသတ်မှတ်ချက်တွေကို ပြုပြင်ပေါင်းစပ်ထားတာပဲ ဖြစ်ပါတယ်။
💎 အခုဝေမျှပေးချင်တဲ့ အကြောင်းအရာလေးကတော့ ဒီလောက်ပါပဲရှင်။ ကျွန်မတို့ "Grand Diamonds" စိန်တိုက်မှာလည်း အရည်အသွေးကောင်းမွန်တဲ့ စိန်ကောင်းစိန်သန့်မျိုးစုံကို အဖိုးတန်၊ ဈေးမှန်စွာနဲ့ ရောင်းချပေးနေတာဖြစ်တာကြောင့် တစ်ခါတစ်လှည့် ကြွလှမ်းလာခဲ့ဖို့ ဖိတ်ခေါ်လိုက်ပါတယ်။
#granddiamonds #LooseDiamonds #ClarityCharacteristics
